მესტრიის რაიონში, მწვერვალ "თეთნულდის" ძირში მძთელი წლის განმავლობაში აქტიური სამუშაოები მიმდინარეობდა, შენდება სამთო-სათხილამურო კურორტი, რომლის სახელწოდებაც "თეთნულდი" იქნება. სამშენებლო სამუშაოებს შპს "თეთნულდ დეველოპმენტი" ასრულებს.

პროექტის განვითარების გეგმებსა და კურორტის თვისებებზე "ნიუპოსტს" "თეთნულდ დეველოპმენტის" დირექტორი უკა კილაძე ესაუბრა.

"პროექტი ფინანსდება საქართველოს მთავრობის მიერ, აგრეთვე საფრანგეთის მთავრობის მიერ არის გამოყოფილი 18 მილიონიანი გრანტი. მუშაობა მიმდინარეობს 25 კილომეტრიანი სათხილამურო გზის მშენებლობაზე. საბაგირო ინფრასტრუქტურის უმეტესი ნაწილი დასაწყობებულია სოფელ მულახში, ეს სოფელი მდებარეობს თეთნულდიდან 5 კილომეტრში, აქტიურად მიმდინარეობს მიშაობა იმისთვის, რომ საბაგირო გზის მეშვეობით მულახის თემი უშუალოდ დაუკავშირდეს თეთნულდს. კურორტი იფუნქციოენირებს მთელი წლის განმავლობაში, აქედან სათხილამუროდ ვარგისი იქნება 6-7 თვის მანძილზე ყველანაირი ხელოვნური ჩარევის გარეშე. შემიძლია ვთქვა, რომ კავკასიის რეგიონში მსგავსი ტიპის კურორტი არ არსებობს. გახსნა დაგეგმილია 2015 წლის 15 დეკემბერს. თეთნულდის სამთო კურორტს აქვს შანსი, რომ მოხვდეს BBC-ს ამინდის პროგნოზების ჩამონათვალში და მიმდინარეობს მოლაპარაკება. თეთნულდზე მოეწყობა ყველა სახის ინფრასტრუქტურა, კერძო სექტორს შეუძლია კურორტზე საკუთარი ბიზნესი განავითაროს, გაზაფხულიდან დაიწყება სასტუმროების და სხვა კურორტისთვის საჭირო ინფრასტრუქტურის შექმნა. ვმუშაობთ იმაზეც , რომ რომელიმე ბანკმა გამოყოს გარკვეული სახის კრედიტი ადგილობრივი მოსახლეობისთვის, რომ მათ შეძლონ საკუთარი საოჯახო სასტუმროების განვითარება და კეთილმოწყობა, რადგან ეს კურორტი ყველა ფენის დამსვენებელზეა გათვლილი და საოჯახო სასტუმროებზე დიდი მოთხოვნა იქნება, რაც ხელს შეუწყობს ადგილობრივი მოსახლეობის კეთილდღეობას“, - აცხადებს უკა კილაძე.