ცვლილებები ზედა ეშელონებში, დაპირისპირება ქართულ ოცნებაში და ძველი პროფესიონალების დაბრუნება მნიშვნელოვან თანამდებობებზე - ამგვარია ასტროლოგის პროგნოზი. „ბევრი რომ შეიცვლება, ამის გარანტიას გაძლევთ“ - აცხადებს მიშა ცაგარელი „პირველ პრესკლუბში“ და სამთავრობო სტრუქტურებს სთხოვს დეტალებს, რომელზედაც თავად საუბრობს, აუცილებლად მიაქციონ ყურადღება.

მიშა ცაგარელი: „ალასანიასთან უკვე ვნახეთ რა მოხდა. ახლა „რესპუბლიკელების“ და პრეზიდენტის ჯერია. ამ დაპირისპირებასაც ნახავთ. მთავარი მოქმედი პირი იქნება დავით უსუფაშვილი, რომელიც „რესპუბლიკელებსა“ და „ქართული ოცნების“ სხვა დაჯგუფებებს შორის შუამავალია“.

მიშა ცაგარელმა ვადამდელ საპარლამენტო არჩევნებზეც გაამახვილა ყურადღება. მისივე თქმით ეს არჩევნები იმ შემთხვევაში ჩატარდება, თუ „რესპუბლიკელების“, პრეზიდენტისა და პრემიერ-მინისტრის ჯგუფებს შორის ურთიერთობა ძალიან დაიძაბება.

მიშა ცაგარელი: „განსაკუთრებით დაძაბული იქნება 2015 წლის ნოემბრის მეორე ნახევარი და დეკემბერი. ეს პერიოდი გადამწყვეტი იქნება. თუ ისევ ინფლაცია იქნება, როგორც ახლა, შეიძლება ამან სერიოზული მიტინგები გამოიწვიოს. ამასთან, ნუ დაგვავიწყდება, რომ შემდგომ, 2016 წელს, მაიმუნის წელიწადი მოდის. მსოფლიოში ბევრი სტატისტიკური მონაცემია, თუ რა გადატრიალებები და რევოლუციები ხდებოდა მაიმუნის წელიწადში. 2015 წლის ბოლო რეალურად ლაკმუსის ქაღალდი იქნება, მოხდება სატახტო გადატრიალება, არჩევნები თუ რა ფორმით წავა ქვეყანაში სიტუაცია“...