ია ფარულავამ „ნიჭიერის“ მსვლელობისას ახალი პროექტი "შერეკილი გიტარა" დააანონსა...

ამ პროექტზე ჯერ კიდევ ერთი თვის წინ ალაპარაკდა პრესა, ეს მაშინ როცა ია ფარულავა და ტარიელ სუარი ჟურნალისტებმა სასამართლოში იხილეს. სწორედ მაშინ სასამართლოში ვიზიტი წყვილმა მუსიკალურ ტურნეს დაუკავშირა.

პროექტი, რომელსაც ტარიელ სუარი ამზადებს მალე განხორციელდება და საქართველოს სხვადასხვა კუთხეში კონცერტები მოეწყობა.

გიტარისტმა გია ყანჩელის მუსიკალური ნაწარმოებები, სიმფონიური და კამერული მუსიკა გიტარაზე გადაიტანა, - „აი, ამას კი მხოლოდ შერეკილი ადამიანი თუ გააკეთებდა“, - ამბობს ია ფარულავა.