„რუსეთს სურს გამოკეტოს საქართველო მთელი მსოფლიოსაგან მოშორებულ, ძალიან ბნელ და საშინელ ოთახში, ოღონდაც, არა საათნახევრით, არამედ სამუდამოდ“ - ამბობს ნიკა რურუა. ის ლეპსის კონცერტის ორგანიზატორის მიერ ქართველი ჟურნალისტის „დაპატიმრების“ ფაქტს „ფეისბუქის“ საკუთრ გვერდზე შემდეგი სტატუსით ეხმაურება.

ნიკა რურუა: გ. ლეპსის კონცერტის გასაშუქებლად მისული ქართველი ჟურნალისტის ოთახში გამოკეტვა ამ ტიპაჟის ხალხის მიერ ნიშანდობლივია და გამოდგება განზოგადოებისთვის: ის რაც ლეპსის დაცვამ და პროდიუსერმა გაუკეთეს „მაესტროს“ ჟურნალისტს - კერძოდ საათნახევარი ოთახში გამოკეტვა - სწორედ ისაა, რაც რუსეთს სურს გაუკეთოს საქართველოს:გამოკეტოს საქართველო მთელი მსოფლიოსაგან მოშორებულ, ძალიან ბნელ და საშინელ ოთახში, ოღონდაც, არა საათნახევრით, არამედ სამუდამოდ.

კარგი რამ მოხდა ბრმათათვის თვალასახელად. თუ, რა თქმა უნდა, სიბნელეში დარჩენა არ ურჩევნიათ“.