დაპირისპირება და კამათი „იმედის კვირაში“

საზოგადოება - 01:27, 08 Dec, 2014

1227

„იმედის კვირაში“ ერთმანეთს გარე მოვაჭრე ქალბატონები გუგული მაღრაძეს დაუპირისპირდნენ... უმრავლესობის წევრის სიტყვებმა მაყურებელიც გააღიზიანა. გუგული მაღრაძემ აფხაზეთიდან დევნილ, გარემოვაჭრე ქალბატონს შემდეგი რჩევით მიმართა:
„არის მცირე გრანტების პროგრამა, მოიძიეთ, გააკეთეთ პროექტი და შეიძლება მიიღოთ კიდეც დახმარება. ან დასაქმდნენ თქვენი შვილები, მათ ხომ მოვალეობა აკისრიათ მშობლების მიმართ, შვილებმა უნდა აიღონ ტვირთი რომ მშობლებს გვერდით დაუდგნენ, უნდა იმუშაონ“...

ამ რჩევა-დარიგებამ სტუდიაში მყოფი ქალბატონები გააბრაზა: „სად იმუშაონ? ვერ შოულობენ სამსახურს... თქვენ კი ერთი დღე გაატარეთ ქუჩაში, ქარში, წვიმაში, და საღამოს როდესაც სახლში მიხვალთ სველი ფეხებით, გაციებული, მერე გადახარშეთ თუ რა მდგომარეობაში ვარ წლების მანძილზე“...
გადაცემის ამ ბლოკს უამრავთა გამოხმაურება სოციალურ ქსელშიც მოჰყვა. აი, რას წერს ერთ-ერთი:
„მარაზმია ამ ჯიბეგასქელებული ყბედი პარლამენტარების და მთვრობის წევრების დემაგოგიის, მორიგი ტყუილების და შეურაცხმყოფელი განცხადებების მოსმენა! თქვენ არ გეცოდებათ ხალხი, თქვენ არ ფიქრობთ ხალხზე, თქვენ ამბობთ მიგვიფურთხებია ხალხისთვისო და ამიტომაც, ჩვენც მიგვიფურთხებია თქვენი თანამდებოებისთვის, სკამებისთვის, თბილი კაბინეტებისთვის რის სიყვარულსაც შესწირეთ ხარკად თქვენი ადამიანობა და ზნეობა!
გუგული მაღრაძე ცინიკურად რომ აცხადებს 60 წლის მერე მშობლებს შვილების რჩენის ვალდებულება არ აქვთო, თავი შეიწუხონ და იმუშავონ შვილებმაო.... მაინტერესებს, სად იმუშაონ?! გუგული მაღრაძე, ეკა ბესელია, მარგიშვილი, გუბაზ სანიკიძე და სხვები სახელმწიფოს უნდა მართვადნენ და ახალგაზრდები უნდა მუშაობდნენ მრეცხავებად, მწმენდავებად და ა.შ. ?!
ახალგაზრდობას რომ მოუწოდებთ, გადით და იმუშავეთო, ქმნით სამუშაო ადგილებს, გვთავაზობთ ელემენტარულ პირობებს მაინც?... იქურდონ, იავაზაკონ, სინდისით ივაჭრონ??? რა ქნან ახალგაზრდებმა? თქვენ გეკითხებით! ბიუჯეტი-ჭამია ვირთხებს უნდა შეეწიროს ქართული სახელმწიფო “?!