წერილი ექსპრემიერს: ,,ივანიშვილო! თუ დროზე არ მოეგები გონს, კომბალს ელოდე!“

საზოგადოება - 21:11, 07 Dec, 2014

5043

,,ადვოკატთა ასოციაციის“ პრეზიდენტი ზაზა ხატიაშვილი ექსპრემიერ ბიძინა ივანიშვილს ,,ფეისბუქის“ გვერდის საშუალებით ბრალდებით სავსე წერილით მიმართავს. ხატიაშვილი ქვეყანაში შექმნილი მძიმე ეკონომიკური მდგომარეობას სწორედ ივანიშვილის და ღარიბაშვილის პოლიტიკას უკავშირებს.

,,ბიძინა ივანიშვილო , ორი წლის განმავლობაში გწერდი ღია წერილებს გაგეტარებინა სამართელბრივი და ეკონომიკური რეფორმები თორემ გველოდა ეკონომიკური კოლაფსი მაგრამ არავის არ დაგვიჯერე, ყველა ჭკუამთყოფელი გრძნობდა, რომ ქვეყანა მიგყავდა ეკონომიკური კატასტროფისკენ , გაფრთხილებდით , 31 წლის ირაკლი ღარიბაშვილის პრემიერობა არ შეიძლებაო მაგრამ არ მოგვისმინე, ქვეყანას რომ ფინანსთა მინისტრად ხადური ეყოლება ის ქვყანა კიდეც კარდ დღეშია. შენმა და ირაკლი ღარიბაშილის გუნდმა სამ დღეში ქვეყანა 20% -ით გააღატაკეთ , ეხლა გამოდი ჩვენო ოლიგარქო ივანიშვილო და იძახე ლარის კურსის დაცემას გაგებით უნდა მოვეკიდოთო. შენმა ჩინოვნიკებმა საცოდავ , მშიერ ხალხს თავი სასწაული პრემიებით დაამახსოვრეს , ქვეყნა ველებს იღებდა ჩინოვნიკების საპრემიო მადა რომ დაეკმაყოფილებინა , ასე რომ ივანიშვილო , რახან არავისი არ გესმის , თუ დროზე არ მოეგები გონს ელოდე კომბალს, ამდენ ტყუილებს ქართველი ერი შენ აღარ გაპატიებს“, - წერს ზაზა ხატიაშვილი ბიძინა ივანიშვილს.