მარკუს მეტრეველი კულტურის მინისტრს მიმართავს

მარკუს მეტრეველი კულტურის მინისტრს მიმართავს - ,,რა დააშავა ქართველმა?“

კულტურა - 19:02, 05 Dec, 2014

2597

მივმართავ კულტურის სამინისტროს.

პატივცემულო მინისტრო!

მიუხედავად ჩემი ღრმა პატივისცემისა თქვენს მიმართ, როგორც სხვა ჩემს კოლეგას, ასევე მეც მაქვს სურვილი რომ დავაფიქსირო ჩემი მოსაზრება და თუნდაც გულისტკივილი, იმ ფაქტთთან დაკავშირებით, თუ რა ხდება კულტურაში და ზოგადად შიუ ბიზნესში.

როგორც წესი კულტურა და შოუ ბიზნესი არის ქვეყნის ფასადი, რომელსაც სჭირდება მუდამ მოვლა, გაფრთხილება და განახლება.

მე მესმის, რომ უკეთებთ პროპაგანდას ამერიკულ მუსიკას, ჯაზს. ეს ძალიან კარგია მაგრამ რა დააშავა ქართულმა? თუ კი ქართულს არ ექნება ხელის შეწყობა, დაფინანსება, ფიქრობთ, რომ ოდესმე რამე ეშველება და დადგება პროგრესულ გზაზე?

თუ კი ფინანსდება სხვადასხვა თეატრალური ფესტივალი, კინო ფესტივალი, კლასიკური მუსიკის ფესტივალი, ღვინის ფესტივალი და ასე შემდეგ, რა დააშავა თანამედროვე პოპ კულტურამ?

მოვიყვან არგუმენტად სახელმწიფო პრიორეტიტებს.

თუ სახელმწიფო აფინანსებს მცირე და საშუალო ბიზნესს, თუ კი სახელმწიფო ცდილობს რომ რებრენდინგი გაუკეთოს ღვინოს რომ უკეთესად გაყიდოს საზღვარგარეთ, თუ მინერალურ წყლებს უკეთებენ რებრენდინგს, განახლებას, ხომ შეიძლება რომ ერთხელ მაინც მოხდეს სახელმწიფოდან ეგრეთწოდებული რებრენდინგი ქართულ შოუ ბიზნესში და მოხდეს დაფინანსება, რომ შემოვიდეს უკვე წარმატებული ლეიბლები ქვეყანაში.

შეიქმნას საპროდიუსერო ცენრი, მუსიკალური ტელევიზიები, დიდი და მცირე საკონცერტო დარბაზები აშენდეს.

ზოგიერთები რომელთა გვარსაც არ დავასახელებ არ თვლის შოუ ბიზნესს "ესტრადას" კულტურად და ხელოვნებად არ მიიჩნევენ, მაგრამ ეს ხომ გაუნათლებლობის და უვიცობის ბრალია?

უამრავი ნიჭიერი მომღერალი ცდილობს, რომ დატოვოს სამშობლო. თავი შეაფაროს სხვა ქვეყანას, რომ აქ არ ეძლევათ რეალიზაციის საშუალება, წლიდან წლამდე სრული უმოქმედობაა, ამ დროს კი ისევ მოუწოდებთ მომღერლებს რომ " წელსაც დაგასვენებთო" ეს ამონარიდი ჩემი კოლეგებისგან დავაკოპირე.

თუ კი მილიონებს უხდით იმ ვარსკვლავებს რომლებსაც იწვევთ საქართველოში, ხომ შეიძლება რომ ეს მილიონები და ათასები ქართულ შოუ ბიზნესშიც ჩაიდოს.

საქართველოში არსებობენ მსოფლიო დონის ვარსკვლავები, რომლებიც სამწუხაროდ ჩრდილში არიან. ეს ისევ სახელმწიფოს ბრალია რომელიც არ არის დაინტერესებული თავისი ქვეყნის პოპ კულტურით.

ჩემი მოკრძალებული რჩევა იქნება: თუ პროფესიონალების ნაკლებობას განიცდის კულტურის სამინისტრო , ჩვენ მზად ვართ დაგეხმაროთ, ვისაც შესაბამისი გამოცდილება და განათება გვაქვს მიღებული საქართველოს ფარგლებს გარეთ.

საქართველოშიც იბადებიან მადონები, ჰიუსტონები, ჯექსონები და ფრედი მერკურები, მთავარია ყურადღება და დაფასება

პატივისცემით

მ.მეტრეველი