ეროვნული ბანკის პრეზიდენტი გიორგი ქადაგიძე ლარის გაუფასურების მიზეზებზე საუბრობს.

როგორც ქადაგიძემ ბრიფინგზე განაცხადა, მიუხედავად ლარის კურსის გაუფასურებისა, დაგეგმილზე მეტი ინფლაციური ზეწოლა მოსალოდნელი არ არის.

„ეროვნული ლარის გაუფასურებას აქვს როგორც შიდა ისე გარე ფაქტორებით გამოწვეული მიზეზები. ბოლო შვიდი წლის განმავლობაში, ისტორიულად გამყარებულ დოლართან ერთად გვაქვს შიდა სავალუტო შემოდინებების ძირითადი წყაროების შესუსტება ან კლება. ჩვენი გათვლებით, ეს დისბალანსი უკვე აღმოფხვრილია და ასახულია ლარის გაცვლით კურსში. რაც შეეხება იმ პროცესებს, რომელსაც ჩვენ ვაკვირდებით ბოლო დღეების განმავლობაში, იგი დიდწილად გამოწვეულია ბაზრის მონაწილეების აჟიოტაჟური ქცევით რაც დამახასიაათებელია ფინანსური ბაზრებისთვის. ბაზრის ის ინ მონაწილეები და მოქალაქეები, რომლებიც მიიღებენ კონკვერტაციასთან დაკავშირებით იმპულსურ გადაწყვეტილებებს აუცილებლად ზარალებენ, რადგან ყველა გაუფასურებას გამყარება მოსდევს. მიუხედავად იმისა, რომ გაცვლითი კურსის მერყეობა ზოგიერთ სასაქონლო ჯგუფზე აისახება, ჩვენ არ ველოდებით დაგეგმილზე მეტ ინფლაციურ ზეწოლას“, - განაცხადა ქადაგიძემ.