„ვეფხისტყაოსნის სერგო ქობულაძისეული ილუსტრაციების შემდეგ, სხვა თუ მომეწონებოდა ვერ წარმომედგინა, მაგრამ ის რაც ახალგაზრდა მხატვარმა დავით მაჭავარიანმა გააკეთა, ახალი სიტყვაა თანამედროვე ქართულ მხატვრობაში“! - ამბობს საქართველოს თეატრის,მუსიკის, კინოსა და ქორეოგრაფიის სახელმწიფო მუზეუმის დირექტორი გიორგი კალანდია.

გიორგი კალანდია: „სულ სხვა სამყარო, სულ სხვა პლასტიკა და აკადემიურად მდიდარი სიძუნწე! აღფრთოვანებული ვარ! დავითმა საშუალება მომცა სულ სხვა ვეფხისტყაოსანი მენახა და სულ სხვანაირად მემოგზაურა რუსთაველის სამყაროში! აქ ნანახ ტარიელსა და ავთანდილს თითქოს დიდხანს ვიცნობდი! გადაშლისთანავე ისინი ისეთნი დამხვდნენ როგორიც წარმომედგინა! ყველაფერს გავაკეთებ იმისათვის რომ ეს ძვირფასი კოლექცია ჩვენს მუზეუმში მოხვდეს“!