მასწავლებელთა საკოორდინაციო ცენტრის ხელმძღვანელი დავით ფერაძე გაზეთ "ალიასთან" განათლების სამინისტროს სქემაზე საუბრობს, რომელიც მისი თქმით მასწავლებლების ხელფასების შემცირებისთვის შემუშავდა

"ჩემთვის ცნობილი გახდა, რომ 3-4 ნოემბერს განათლების სამინისტროში იბარებდნენ სკოლის დირექტორებს, ამ შეხვედრების დროს მათ გააცნეს პროფესიული განვითარების ახალი სქემის დეტალები, ამ დროს დეტალებს კი არ აცნობენ, თავისთვის საჭირო საკითხებზე ელაპარაკებიან. სერთიფიცირებულ მასწავლებლებს 1000 და 200 ლარი აქვთ დანამატი და სამინისტრო ფიქრობს, ეს თანხა არ მისცეს.

ზოგადად, ასეთი დანამატიანი მასწავლებლები მთლიანი 22000 სერთიფიცირებული მასწავლებლების 25 % -ს წარმოადგენენ, ანუ მათი რაოდენობა განსაკუთრებით დიდი არაა, მაგრამ, როგორც ჩანს, სამინისტროს მათთვის ეს ფულიც ენანება.

თუ ძალიან მოინდომებს პედაგოგი, მოემზადება და სერთიფიცირებას გაივლის, მოხვდება არა პირველ, ან მეორე საფეხურზე, არამედ მესამე კარიერულ საფეხურზე, ეს ნიშნავს იმას, რომ შეუნარჩუნდებათ ეს თანხა. წინააღმდეგ შემთხვევაში მათ ისიც წაერთმევათ, რაც აქვთ, ასეთი პედაგოგები კი ცოტანი არ არიან."- აცხადებს ფერაძე

წყარო "ალია"