კულტურის ამჟამინდელი მინისტრის ყურადღება სხვა მინისტრების მიერ დაიგნორებულ „ართ-ჰოლს“

კულტურა - 22:07, 04 Dec, 2014

1643

„თავისი არსებობის მანძილზე ართ- ჰოლმა 9 მინისტრი შეიცვალა. უცნაური ის არის, რომ მარტო მეათე მინისტრმა შეამჩნია ართ-ჰოლის არსებობა“ - წერს „ფეისბუქის“ საკუთარ გვერდზე პროდიუსერი თამაზ ორაშვილი.
3 დეკემბერს, საქართველოს კულტურისა და ძეგლთა დაცვის მინისტრი მიხეილ გიორგაძე მიხეილ თუმანიშვილის სახელობის თეატრში, განახლებული სპექტაკლის, „ჰელადოსის" პრემიერას დაესწრო.
სპექტაკლის რეჟისორი გოგა პიპინაშვილია. სპექტაკლში სტუდია „ართ-ჰოლის" მსახიობებთან ერთად, ცნობილი მსახიობები ნანა შონია და თემო გვალია მონაწილეობდნენ.
საგულისხმოა ის ფაქტი რომ მიხეილ გიორგაძის გადაწყვეტილებით, კულტურისა და ძეგლთა დაცვის სამინისტრო იღებს პასუხისმგებლობას, პატრონაჟი გაუწიოს ხელოვნების საყმაწვილო ცენტრის "ართ–ჰოლის" აღსაზრდელებს.მოზარდების სხვადასხვა კულტურულ აქტივობებში ჩართვისა და მათი საზოგადოებაში ინტეგრირების მიზნით, დაიგეგმება "ართ–ჰოლის" აღსაზრდელებისთვის ექსკურსიები, შეხვედრები მწერლებთან, მსახიობებთან, მომღერლებთან; მათი სპექტაკლების სხვადასხვა რეგიონებში გამართვა და ქვეყნის ფარგლებს გარეთ გატანა.
მათთვის ხელმისაწვდომი იქნება სამინისტროს მიერ გამოცემული წიგნები და კატალოგები. პროექტი დიდ როლს შეასრულებს ახალგაზრდა თაობის აღზრდასა და განვითარებაში.