პარლამენტში, საფინანსო-საბიუჯეტო კომიტეტში ახალი წლიდან თამბაქოს ნაწარმზე აქციზის მომატებასთან დაკავშირულ კანონპროექტზე იმსჯელებენ.

კანონპროექტის მიხედვით, 2015 წლის 1 იანვრიდან ფილტრიან სიგარეტზე აქციზის განაკვეთი 15 თეთრით, უფილტროზე კი 5 თეთრით გაიზრდება.

კომიტეტის თავმჯდომარის პირველი მოადგილის ნოდარ ებანოიძის თქმით, სხდომაზე ყველა ის საკითხი განიხილება, რაც მომავალი წლის ბიუჯეტის თანმდევი კანონებია.

"ეს არის 2015 წლის ბიუჯეტის თანმდევი კანონებია, მათ შორის საბიუჯეტო კოდექსში და სხვადასხვა მიმართულებებით ცვლილებები. მოგეხსენებათ, იქ არის აქციზის თემა, იქ არის 2005 წლამდე და 2009 წლამდე გარკვეული ვალდებულებების ჩამოწერა. ასევე სალარო აპარატზე დაჯარიმებულებს ჩამოეწერებათ ეს ჯარიმები", - განაცხადა ნოდარ ებანოიძემ.