ანი ნადარეიშვილი, თავდაცვის ყოფილი მინისტრის, ბაჩო ახალაიას მიერ, მოსამართლე - ბესიკ ბუნიათიშვილთან გაგზავნილ წერილს ასაჯაროებს.

„ბატონო ბესიკ, ცოტა ხნის წინ მივიღე თქვენს მიერ გამოგზავნილი განაჩენი, რომლის შესწავლასაც რამოდენიმე დღე მოვანდომე და ძალიან მნიშვნელოვანი შეცდომა აღმოვაჩინე. როგორც ჩანს, თქვენ მისამართი შეგეშალათ, ეს დოკუმენტი ჩემთვის არ უნდა გამოგეგზავნათ, რადგან ის არა ჩემი, არამედ თქვენი სინდისის განაჩენია. ასევე აშკარაა, რომ მას აკლია უმნიშვნელოვანესი კომპონენტი - დასაბუთება იმისა, თუ რატომ გაუსწორდით ასე სასტიკად საკუთარ სინდისს.

არასწორად გამოგზავნილი მისამართის გამო და იმის გათვალისწინებით, რომ სინდისს გააჩნია გასაჩივრების მეორე ინსტანცია, უკან გიგზავნით თქვენი სინდისის განჩენს. დარწმუნებული ვარ, რომ ის აუცილებლად დაგჭირდებათ“, - ნათქვამია წერილში, რომელსაც ნადარეიშვილი „ფეისბუქზე“ ავრცელებს.