ფინანსთა მინისტრი არ ეთანხმება „ნაციონალური მოძრაობის“ მოსაზრებას, რომ მიმდინარე წლის ბიუჯეტი მნიშვნელოვნად გაირღვევა.

ნოდარ ხადურის თქმით, 2014 წლის ბიუჯეტის შესრულებას საფრთხე არ ემუქრება.

"წლევანდელი ბიუჯეტის შემოსავლების ნაწილი გადაჭარბებით შესრულდება და 100 პროცენტზე მეტი იქნება. მნიშვნელოვანია, რომ შესრულდება ხარჯების ნაწილიც და რეალურად შეიძლება ითქვას, რომ 2014 წლის ბიუჯეტის შესრულებას არანაირი საფრთხე არ ემუქრება", - განაცხადა ნოდარ ხადურმა.

"ნაციონალური მოძრაობის" წევრის ზურაბ ჯაფარიძის ინფორმაციით, 2014 წლის ბიუჯეტი შემოსულობების და გადასახდელების ნაწილში მნიშვნელოვნად გაირღვევა.