ქუთაისის მერია, საახალწლოდ, 800 ცალი გოზინაყის შესასყიდად 1000 ლარის ღირებულების ტენდერს აცხადებს. გოზინაყის შესყიდვა ბავშვებისათვის განკუთვნილი სანახაობრივი და გასართობი ღონისძიებების ფარგლებში უნდა მოხდეს.

სატენდრო დოკუმენტაციის მიხედვით, ტენდერში გამარჯვებული ვალდებულია უზრუნვეყოს გოზინაყის მიწოდება საკუთარი ხარჯებით, 2014 წლის 31 დეკემბერს, დღის 12:00 საათამდე, ქალაქის რეაბილიტირებულ უბანში, მონ პლაზირის თაღის მიმდებარე ტერიტორიაზე.

გარდა ამისა, ტენდერში გამარჯვებული ვალდებულია გოზინაყის საბოლოო დიზაინი შეათანხმოს ქუთაისის მერიასთნ.

გოზინაყის შესასყიდად ქუთაისის მერიამ ტენდერი 28 ნოემბერს გამოაცხადა. წინადადებების მიღება 4 დეკემბერს სრუდლება.

წყარო: kutaisipost