შესაძლოა დოლარი აიკრძალოს

ბიზნესი & ეკონომიკა - 16:28, 02 Dec, 2014

18895

დუმაში განსახილველად ახალი კანონპროექტი შევიდა, რომელიც რუსეთის მოქალაქეებს რუსეთის ტერიტორიაზე დოლარით სარგებლობას და მის შენახვას უკრძალავს.
კანონპროექტის დამტკიცების შემთხვევაში რუსეთის მოქალაქეები ვალდებულნი იქნებიან 1 წლის განმავლობაში, დახურონ დოლარით გახსნილი ყველა ანგარიში და კუპიურა გადაცვალონ რუსულ რუბლზე, ფუნტზე ევროსა და ა.შ. თუ მოქალაქეები არ განახორციელებენ შემდეგ ოპერაციას, სახელმწიფო ავტომატურად დახურავს ანგარიშს. იმ შემთახვევაში, თუ მოქალაქეს აღმოუჩენენ აშშ დოლარს ის მას ჩამოერთმევა და დააჯარიმებენ. დუმის დეპუტატი მიხაილ დეგტარევი განმარტავს, რომ ფულის დროებით ჩამორთმევა იქნება სასჯელი კანონდამრღვევი მოქალაქისთვის. ამასთან, კანონპროექტის მიხედვით რუსეთის ფედერაციაში რუსეთის მოქალაქეები დოლარის ყიდვას საერთოდ ვერ შეძლებენ ვერც ერთ შემთხვევაში. ხოლო არა ნაღდი ანგარიშსწორებით დოლარის ყიდვის საჭიროება კი მოქალაქემ უნდა დაამტკიცოს. გადაუდებელ აუცილებლობად შეიძლება ჩაითვალოს მაგალითად საზღვარგარეთ წასვლა. მაგრამ ეს მხოლოდ იმ შემთხვევაში თუ იმ ქვეყანას სადაც რუსეთის მოქალაქე მიემგზავრება არ აქვს საკუთარი ვალუტა და მიმოქცევაში გამოიყენება დოლარი. ხოლო რაც შეეხება ევროკავშირის ქვეყნებს, კანონპროექტში წერია, რომ იქ ევროა მიმოქცევაში და დოლარი საჭირო არ არის. კანონპროექტის მიხედვით ევროკავშირში შემავალი ქვეყნების გარდა , დოლარის ყიდვა რუსეთის მოქალაქეებს არ შეუძლიათ თუ ისინი მიემგზავრებიან: ალბანეთში, ალჟირში, ანდორა, ეგვიპტე, ბოსნია-ჰერცოგოვინა, ვატიკანი, საქართველო, ირანი, ისლანდია, ჩინეთი, ლიხტენშტაინი, მაკედონია, მაროკო, მონაკო, მონღოლეთი, ნორვეგია, სანმარინო, სერბეთი, თურქეთი, ჩერნოგორია, შვეიცარია და დსთ-ში შემავალ ქვეყნებში. კანონპროექტის ავტორი მიიჩნევს, რომ დოლარის თავისუფალი მიმოქცევა რუსეთში ხელს უშლის რუბლის პოპულარიზაციას. „თვითონ ფაქტიც, რომ რუსი მოქალაქეების დიდი ნაწილი თავის დანაზოგს დოლარის ვალუტაში ინახავს, უკვე საგანგაშოა“,-მიიჩნევენ კანონპროექტის ავტორები.