სოფელ დიცში საოკუპაციო ხაზთან არასამთავრობო ორგანიზაცია „პიკასოს“ კლუბის წევრებმა საპროტესტო აქცია გამართეს. რუსეთის მიერ აღმართულ ბარიერებთან მათ საქართველოს ჰიმნი შეასრულეს და შერიგებისა და თანასწორობის საკითხებში სახელმწიფო მინისტრის პაატა ზაქარეიშვილის თანამდებობიდან გადადგომა მოითხოვეს.

არასამთავრობო ორგანიზაციის "პიკასოს" წევრები, სახელწიფო მინისტრს, რუსეთთან არასწორი პოლიტიკის გატარებასა და საქართველოს ტერიტორიების ოკუპაციისადმი გულგრილ დამოკიდებულებაში ადანაშაულებენ.

„ლავროვის განცხადებით, იგივე ხელშეკრულება ფორმდება სამხრეთ ოსეთთან, რაც ნიშნავს იმას, რომ ამ ტერიტორიის ანექსიასაც მივიღებთ. აქ დაგვიდგება ჯარი, დაგვიდგება ევრაზიული კავშირის ჯარი, რომელიც ეხლა აქტიური შექმნის პროცსშია. ზაქარეიშვილი აუცილებლად უნდა გადადგეს, რადგან ყველას კარგად ვხედავთ მის დამიკიდებულებას ამ საკმაოდ მნიშველოვანი თემისადმი“, - განაცხადა „პიკასოს“ კლუბის დამფუძვნებელმა არჩილ ხარბედიამ.

აქციის მონაწილეებმა ოკუპანტებს ქართულ, რუსულ და ინგლისურ ენებზე ტერიტორიის დაბრუნების მოთხოვნით მიმართეს. საოკუპაციო რეჟიმის წარმომადგენლები აქციას თვალს შორიდან დევნებდნენ.