”...და სიღარიბის დაძლევის ნაცვლად, მან პრეზიდენტის ვეტო დაძლია”

კულტურა - 11:38, 02 Dec, 2014     2170

კვირა დასვენების დღეა. ისტორიული გამონაკლისი აღმოჩდა 30 ნოემბერი, როდესაც პარლამენტმა პრეზიდენტის ვეტო დაძლია.

ერთი მხრივ ჩვეულებრივი ამბავია, მეორე მხრივ - დასაფასებელი, ჩვენი ჩახლეჩილი ხმა არასოდეს აღწევდა მათ სახლებამდე, მათი საძინებლის კედლები ხმაგაუმტარი და ტყვიაგაუმტარია. ახლა კი ისინი თავად მოვლენ ჩვენთან და მოგვისმენენ. ადრეც გვისმენდნენ და მომავალშიც ასე იქნება. მთავარია ჩვენ ერთსულოვნები ვიყოთ, მკაფიოდ გამოვხატოთ ჩვენი ტკივილი და სიხარული.

მოქმედი დეპუტატის ერთი დღე

(რადიოშიშინის ფონზე მოსასმენი გალობა)

რომ გაიღვიძა არ ისადილა,

პარლამენტისკენ აიღო სტარტი,

კვირაა, მაგრამ მაინც მუშაობს

ტანფუმფულაა ეს დეპუტატი.

ხმის მისაცემად ბოტოტა თითებს

თავდაჯერებით მიაჭერს ღილაკს,

სიზმარში ხშირად ნახულობს პანკისს

ჯაზს უსმენს, მაგრამ ის როკის გვირაბს

ბევრჯერ ახსენებს, რადგანაც ჯერა

რომ დაიბრუნებს სოხუმს და ცხინვალს,

ტაძარშიც მაშინ ლოცულობს, როცა

კამერების წინ ესწრება წირვას.

მან უწმინდესის ყველა ნაოჭი

ზეპირად იცის და ხელის მტევანს

ეამბორება არჩევნების წინ

და მრევლის გვერდით მრევლივით ღელავს.

დღეს მღელვარება ბუნებრივია,

მას უდიდესი აწევს მისია,

ის მხოლოდ ხალხის საკუთრებაა

არავის არ სცნობს, არავისია.

თეთრი გედივით მიაპობს სივრცეს,

ყველაზე რთული კორიდორია

იმ პარლამენტის, რომელშიც დიდხანს

რომ უნდა დარჩეს ორჯერ ორია..

ვეტო დაედო იმ კანონ პროექტს

რომლის მიხედვით ხალხის მოსმენა

მხოლოდ შსს-ს უფლება არის

და დაგვაკისრეს ამის მოთმენა.

რადგანაც ვიცით შსს-ს გარდა

ჩვენ ღმერთიც გვისმენს, მერე გვიფარავს

დეპუტატი კი წესიერია

ჩვენთვის შრომობს და ფულს არ იპარავს.

მივმართავ არასამთავრობოებს:

კრიტიკას უნდა დასაბუთება,

ის სავარძელზე ფულისთვის არ ზის

უბრალოდ ცივი ტრაკი უთბება.

დეპუტატი კი უახლოვდება

გალავანივით ოვალურ დარბაზს,

როდესაც ოპოზიციას ხედავს

დაემსგავსება დაგეშილ ნაგაზს.

რაღაცნაირად წამოწითლდება

ნერვიულობს და იცვლის მიმიკებს,

ზოგჯერ ბავშვივით ბრაზიანია

ოპონენტებზე როცა ქილიკებს.

ეს ქილიკი ხომ ბუნებრივია

თუ დისკუსია ეხება ,,9 წელს’’,

ის ხომ მეორე წელია მეფობს

და ორი წელი ცხრასავით აწევს.

მან მოიხადა პირწმინდად ვალი

რა დროს ზიზღი და რა დროს ღვარძლია,

და სიღარიბის დაძლევის ნაცვლად

მან პრეზიდენტის ვეტო დაძლია.



წყარო http://blogs.liberali.ge/



მასალის გამოყენების პირობები

ამომრჩეველზე ზეწოლა კახეთში - "თუ ისინი არ შემოხაზავენ 41-ს, ანა ექიმის იმედი არ ჰქონდეთ"

მიხეილ სააკაშვილის ოფისი და უკრაინის შსს შიდა სტრუქტურების რეფორმირებას იწყებს

მაჟორიტარობის კანდიდატს ძმებმა თალაკვაძეებმა კანდიდატურის მოხსნა აიძულეს - "საქართველოსთვის"

სექტემბრიდან პირადობის მოწმობები ერთი თვის განმავლობაში უფასოდ გაიცემა

"ბიოფსიის შედეგად დადგინდა ჰოჯკინის ავთვისებიაი სიმისვნე, კისერზე გულმკერდზე, ლავიწებზე, 20 ივლისიდან დაიწყეს ქიმიებით მკურნალობს" - 11 წლის ბავშვს საზოგადოების დახმარება სჭირდება

პენიტენციური სამსახური: კორონავირუსი 105 პატიმარს აქვს, უმეტესობა ახლადდაკავებულია

ციხის კარი უნდა გავაღოთ - COVID 19-ის გამო ნაციონალური მოძრაობა ფართო ამნისტიის ინიციატივით გამოდის

სუს უარყოფს, რომ ვაგნერის წევრი ახლა საქართველოშია

ეროვნულმა ბანკმა ლარის ახალი კურსი დაადგინა

გაბუნია: სკოლებში სწავლას ვერ დავიწყებთ, სანამ ეპიდსიტუაცია საკმარისად არ დასტაბილურდება

თბილისში კორონავირუსით 6 წლის ბავშვი გარდაიცვალა

“გუშინ დილით გარდაიცვალა ჩემი უკეთილესი…ნუ ცდილობთ რამე შეტენოთ ჩემს საამაყო და არაჩვეულებრივ ძამიკოს!” – გარდაცვლილი ფიტნეს-ინსტრუქტორის და საზოგადოებას მიმართავს

თუ მუნიციპალურ ტრანსპორტს არ გახსნით, დავიწყებთ აქციებს - შალვა ნათელაშვილი

"თუ აცრის პროცესი შენელდება, ამაში პირადად მე ბატონი კანდელაკის დიდ წვლილსაც დავინახავ...“ - კვესიტაძე

მთავარი სიახლე

ბიზნესი

დღის ამბები

პოპულარული