კობი-გუდაურის გზაზე მეოთხე დღეა სატვირთო ავტომობილების გადაადგილება შეზღუდულია, რის გამოც რუსეთიდან შემოსული სატვირთო ავტომობილების მძღოლები, შესაბამის სამსახურებს უყურადღებობაში ადანაშაულებენ.

კობის ტერიტორიაზე ამ დრომდე შეფერხებული სატვირთო მანქანების მძღოლების განცხადებით, დაბალი ტემპერატურის გამო გზის გაწმენდის სამუშაოები ვერ ტარდება. გაყინული გზის გამო კი მათ გზის გაგრძელების საშუალება არ ეძლევათ.

„გვეუბნებიან, რომ ეს ჩვენივე უსაფრთხოებისთვის კეთდება, თუმცა მსუბუქი მანქანები ჩვეულებრივად მოძრაობენ“, - აცხადებენ მძღოლები.