ეკონომიკის მინისტრი გიორგი კვირიკაშვილი ლარის კურსის ვარდნას ეხმაურება. კვირიკაშვილი მოუწოდებს ხელისუფლებას, რომ აღნიშნულთან დაკავშირებით პანიკას არ აჰყვნენ.

„სახელმწიფო არავითარ შემთხვევაში არ უნდა აჰყვეს იმ სპეკულაციებს და პანიკებს, რაც ბაზარზე ხდება. როგორც ვიცი ეროვნული ბანკი ზომიერ ინტერვენციებს ახორციელებს იმისათვის, რომ ნახტომისებური ცვლილებები არ მოხდეს და მგონია, რომ ამის იქით სახელმწიფოს ჩარევა მიზანშეწონილი არ არის. მოვუწოდებ ყველას, რომ არ აყვნენ პანიკას, რადგან ამ შემთხვევაში პანიკა ყოველთვის ცუდად მოქმედებს. ამ მიმართულებით საპანიკო არაფერი გვაქვს", - განაცხადა კვირიკაშვილმა.