კრიზისი რკინიგზაში - მატარებლებს მემანქანეების ნაცვლად ხელმძღვანელები მართავენ

საზოგადოება - 15:32, 29 Nov, 2014

1146

რკინიგზელთა გაფიცვა გრძელადება. თბილისის სალოკომოტივო დეპოში, გაფიცულთა ინფორმაციით, რამდენიმე რეგიონში ხაშურში, სამტრედიასა და ბათუმში სატვირთო მოძრაობა შეზღუდულია. უცვლელი რჩება მოთხოვნები ისინი ხელფასების გაზრდას, ზეგანაკვეთური შრომის ანაზღაურებას და მეცამეტე ხელფასის დანიშვნას ითხოვენ. რკინიგზელები დაშლას არ აპირებენ მანამდე სანამ მათი მოთახოვნილებები არ დაკმაყოფილდება.

,,ხაშური, სამტრედია და ბათუმი გაჩერებულია. შეიძლება ერთი-ორი მატარებელი დაფიქსირდეს, სადაც ზიან ისევ ხელმძღვანელები, სრულიად არაკომპეტენტური ხალხი და საფრთხეს უქმნიან მოძრაობას“, - განაცხადა აქციის ერთ-ერთმა მონაწილემ.

,,საქართველოს რკინიგზის" მემანქანეებმა, გამცილებლებმა და ტექნიკურმა პერსონალმა 26 ნოემბერს, საქართველოს მასშტაბით, გაფიცვა გამოაცხადეს. რკინიგზელთა პროფკავშირების განცხადებით, მათსა და რკინიგზის ადმინისტრაციას შორის მოლაპარაკებები უშედეგოდ დასრულდა და კონკრეტულ შედეგს ვერ მიაღწიეს. სამუშაო პროცესი შეფერხებული იყო თბილისის დეპოშიც. რკინიგზის თანამშრომლები, მოთხოვნების დაუკმაყოფილებლობის შემთხვევაში, შიმშილობის დაწყებას არ გამორიცხავენ.