პროგრამის მიზანია, მაღალმთიან და საზღვრისპირა რეგიონებში სამედიცინო სერვისების შენარჩუნება და მათი უწყვეტობის უზრუნველყოფა, ასევე, დიპლომისშემდგომ განათლებაზე (პროფესიულ მზადებაზე) ფინანსური ხელმისაწვდომობის გაზრდა.

პროგრამაითვალისწინებს მაღალმთიანი და საზღვრისპირა მუნიციპალიტეტებისათვის, დეფიციტურ და პრიორიტეტულ საექიმო სპეციალობებში (გათვალისწინებულია 40 ვაკანსია 8 საექიმო სპეციალობაში: ანესთეზიოლოგია და რეანიმატოლოგია, ზოგადი ქირურგია, მეანობა-გინეკოლოგია, შინაგანი მედიცინა,პედიატრია, გადაუდებელი მედიცინა, ნეონატოლოგია, საოჯახო მედიცინა), საექიმო სპეციალობის მაძიებელთა შერჩევას, მათი პროფესიული მზადების სახელმწიფო დაფინანსებას, სახელმწიფო სერტიფიკატის მინიჭების შემდეგ - მაღალმთიან და საზღვრისპირა რეგიონებში დასაქმების პირობით.

პროექტში მონაწილეობის უფლება აქვთ საექიმო სპეციალობის მაძიებლებს, რომლებსაც წარმატებით აქვთ ჩაბარებული ერთიანი დიპლომისშემდგომი საკვალიფიკაციო გამოცდა (მათ შორის, იმ მაძიებლებს, რომლებსაც დაწყებული აქვთ დიპლომისშემდგომი განათლება (პროფესიული მზადება) აკრედიტებულ სამედიცინო დაწესებულებებში/სასწავლებლებში). შერჩევის პროცესში ჩართული იქნება აღნიშნული კატეგორიის ყველა მსურველი, მიუხედავად მათი საცხოვრებელი ადგილისა.მაძიებელთა მომზადება განხორციელდება შესაბამისი აკრედიტაციის მქონე სამედიცინო სასწავლებლების/დაწესებულებების კლინიკურ ბაზებზე. შერჩეულ პირებთან გაფორმდება სტანდარტული ხელშეკრულება.

განაცხადების მიღება: მის. თბილისი, აკ. წერეთლის გამზ. 144. სსიპ სამედიცინო საქმიანობის სახელმწიფო რეგულირების სააგენტო. ტელ. 272-53-74, 272-53-84.

აღნიშნულთან დაკავშირებით, დეტალური ინფორმაცია განთავსებულია რეგულირების სააგენტოს ვებ-გვერდზე www.rama.moh.gov.ge