ხვალ, Dirsi -ის პროექტის დასრულებასთან დაკავშირებით ინვესტორები პრესკონფერენციას გამართავენ

საზოგადოება - 22:47, 27 Nov, 2014

3611

პროექტი დირსის მშენებლობის პირველი ეტაპი დასასრულთან დაკავშირებით, ხვალ 11:00 საათზე კომპანია „ეი ეს გრუპ ინვესტმენტის“ ხელმძღვანელობა სასტუმრო „ჰოლიდეი ინ“-ში ბრიფინგს გამართავს.

საერთაშორისო საინვესტიციო ჰოლდინგის - „ეი ეს გრუპ ინვესტმენტის“ დირექტორთა საბჭოს თავჯდომარე და კომპანია „ას ჯორჯიას“ დირექტორი - ანდრეი პატრაკოვი Dirsi -ის პროექტის პირველი ეტაპის დასრულების შესახებ განცხადებას გააკეთებს. პრესკონფერენციაზე მოწვეულნი არიან ინვესტორები, რომლებიც საქართველოში სპეციალურად Dirsi -ის გახსნის ღონისძიებისათვის ჩამოვიდნენ და საინვესტიციო პროექტების დაწყებას გეგმავენ. პრესკონფერენციაზე გახდება იმ ინფრასტრუქტურული პროექტების შესახებ ცნობილი, რომელსაც ჰოლდინგი 2015 წლის განმავლობაში განახორციელებს.

პროექტი Dirsi მშენებლობის პირველი ეტაპის დასრულებას 29 ნოემბერს, გრანდიოზულად აღნიშნავს. ღონისძიების ფარგლებში, რომელიც დირსის საცხოვრებელ კომპლექსში - მდინარე მტკვარსა და ჩოლოყაშვილის ქუჩას შორის გაიმართება, მოწვეულ სტუმრებს შორის არიან საქართველოს პრემიერ-მინისტრი, მინისრთა კაბინეტის წარმომადგენლები. აზერბაიჯანის სამთავრობო დელეგაცია, სამინისტროებისა და სახელმწიფო სტრუქტურების წარმომადგენლები. სპეციალურად დირსის უბნის გახსნის ღონისძიებისათვის დირსის ინვესტორი კომპანია - „ეი ეს გრუპ ინვესტმენტის“ მოწვევით თბილისში 100 -მდე ინვესტორი მსოფლიოს სხვადასხვა ქვეყნიდან ჩამოვა. ისინი საქარველოს საინვესტიციო პოტენციალს გაეცნობიან და შესაძლო ბიზნესურთიერთობის განვითარებაზე ისაუბრებენ. საზეიმო ცერემონიალზე მოწვეულნი არიან ქართული ბიზნეს სექტორის წამყვანი წარმომადგენლები და პროექტ დირსის მომავალი მობინადრეები.