„თბილისის ცენტრალურ საავადმყოფოში“ ახალი ნეიროქირურგიული ცენტრი გაიხსნა

საზოგადოება - 15:56, 27 Nov, 2014

2486

„თბილისის ცენტრალური საავადმყოფოს“ ბაზაზე თანამედროვე სტანდარტების უახლესი აპარატურით დაკომპლექტებული ნეიროქირურგიული ცენტრი გაიხსნა, რომელსაც წამყვანი ნეიროქირურგი გოგი მაღალაშვილი უხელმძღვანელებს აღნიშნული ცენტრი საქართველოს ბანკმა დააფინანსა.

ნეიროქირურგიული ცენტრი გათვლილია 42 საწოლზე და აღჭურვილია ახალი Toshiba-ს წარმოების 16 შრიანი კომპიუტერული ტომოგრაფით, ასევე GE-ს წარმოების ოპტიკური მაგნიტურ-რეზონანსული ტომოგრაფით, რაც საშუალებას გვაძლევს ჩავატაროთ ყველა სახის თანამედროვე დიაგნოსტიკური კვლევა.

,,პირველად ამიერკავკასიაში , ცენტრმა შეიძინა და დანერგა Medtronics-ს წარმოების ნეირომონიტორინგის სისტემა რისი მეშვეობითაც კლინიკას შესაძლებლობა მიეცა აწარმოოს ინტრაოპერაციული მონიტორინგი ,რათა თავიდან იქნას აცილებული გარკვეული სტუქტურების ინტრაოპერაციული დაზიანება და შევამციროთ ინვალიდიზაციის ხარისხი.

აგრეთვე აღსანიშნავია ცენტრის ნეირორეანიმაციული მკურნალობა, სადაც განთავსებული თითოეული რეანიმაციული პაციენტისთვის განკუთვნილია ბოქსირებული პალატა, რაც მნიშვნელოვნად ამცირებს შიდაჰოსპიტალური ინფექციის განვითარების საშიშროებას.

ჩვენთან დანერგილი თანამედროვე ტექნოლოგიები და აპარატურა იძლევა ყველა იმ შესაძლებლობას , რომ პაციენტმა მიიღოს სრულყოფილი ნეიროქირურგიული მომსახურეობა ოპერაციამ და ოპერაციის შემდგომმა მკურნალობამ ზედმეტი გართულებების გარეშე ჩაიაროს“ ,-აღნიშნა ცენტრის ხელმძღვანელმა ბატონმა სანდრო თევდორაძემ.

ნეიროქირურგიული ცენტრის გახსნას დაესწრნენ შრომის,ჯანმრთელობის და სოციალური დაცვის მინისტრი დავით სერგეენკო, პარლამენტის ჯანდაცვის კომიტეტის თავმჯდომარე დიმიტრი ხუნდაძე.