დავით ნარმანიას მეუღლემ თინა თინიკაშვილმა იმ შეზღუდვებზე ისაუბრა, რომელიც საკუთარ თავს მას შემდეგ დაუწესა რაც მერის ცოლი გახდა.

თინი თინიკაშვილი: ადრე თუ მაკიაჟის გარეშე გარეთ გასვლის უფლება მიმიცია თავისთვის, ახლა ამის უფლებას ვეღარ ვაძლევ. ფორმაში უნდა ვიყო. არის ეტიკეტის დაცვის აუცილებლობაც. მაგალითად, თუ მნიშვნელოვანი ღონისძიებაა, ჩემი კაბის სიგრძე მუხლს უნდა ფარავდეს, გამჭვირვალე კოლგოტი უნდა მეცვას... ზედმეტი სალაპარაკო რომ არ ჰქონდეთ, მეც ვცდილობ ეტიკეტი დავიცვა.

ჩემს გარდერობში კაბები და პიჯაკები მომრავლდა.

– ბატონ დავითს ხომ არ ეხუმრებით, შენმა თანამდებობამ ჩემი კაბის სიგრძე დააგრძელაო?

– ჯერ არ მიწუწუნია. ცოტა რომ მომბეზერდება, შეიძლება დავიწყო.

– პოლიტიკოსის ცოლობას რა მინუსი აქვს?

– უნდა აკონტროლო გარეგნობა, ჩაცმა, ყურადღების ცენტრში ყოფნა გიწევს. მოწესრიგებული უნდა იყო. უნდა დაფიქრდე და მერე უნდა თქვა სათქმელი. ნერვიულობაც მიწევს, როცა დათოზე დაწერილ ნეგატიურ რაიმეს ვკითხულობ. ზოგს მოსწონს, ზოგს – არა, ზოგი განსაკუთრებულად მძაფრად გამოხატავს სათქმელს. ამ ყველაფერს თავისუბურად განვიცდი. თუმცა ნელ-ნელა შევეგუე, მაგრამ მაინც...

წყარო: გაზეთი „პრაიმტაიმი“