„მამაჩემს აწამებენ, ცემით კლავენ“ - სასჯელაღსეულების სამინისტროსთან დემეტრაშვილის ოჯახი აქციას მართავს

საზოგადოება - 15:55, 23 Nov, 2014

1628

პატიმარი 16 მსჯავრდებულთა შორის ერთ-ერთია, რომლებიც შიმშილობენ. აქციის მონაწილეები უწყებისგან ვახტანგ დემეტრაშვილის თბილისში მდებარე სასჯელაღსრულების რომელიმე დაწესბულებაში გადმოყვანას ითხოვენ. ამასთან, აქციაზე შეკრებილი პატიმრის ახლობლები ითხოვენ, მიაწოდონ ინფორმაცია ოჯახს, პატიმრის ჯანმრთელობის მდგომარეობის შესახებ.

მათ განცხადებით, დემეტრაშვიმა შიმშილობა სამი დღის წინ დაიწყო და გარდა ამისა მას მიყენებული აქვს თვითდაზიანებები, თუმცა ამ დრომზე მისი მდგომარეობის შესახებ ინფორმაციას არ ფლობენ, ოჯახი დახმარებას სასჯელაღსრულების სამინისტროს სთხოვს. ისინი აცხადებენ, რომ თვითდაზიანებების მიზეზი საპატიმროში შექმნილი ვითარება გახდა.

არავინ ტელეფონზე არ გვპასუხობს, არ ვიცით სად არის, არ წავალ აქედან სანამ არ გავიგებ, სად არის და როგორ არის“, - აცხადებს პატიმრის შვილი ნიკოლოზ დემეტრაშვილი.

მისი თქმით, ციხეში ხალხს ცემით კლავენ და თავს იცავენ იმით, რომ თვითდაზიანებებს იყენებენ.

„მამაჩემს აწამებენ, ცემით კლავენ. მან თვითდაზიანებები თავდაცვის მიზნით მიიყენა. ეს პატიმრები არანაირი ქურდული ტრადიციების მატარებლები არ არიან“ - განაცხადა ნიკა დემეტრაშვილმა.