,,მანქანა მიზანმიმართულად დამაჯახეს“ - რატომ უჩივის გიორგი გაბედავას ნონა საღარეიშვილი

საზოგადოება - 15:38, 23 Nov, 2014

3472

გუშინ, საღამოს საათებში იურისტი ნონა საღარეიშვილი ტელეკომპანია „თრიალეთის“ გორის ოფისში გამგზავრებას აპირებდა რათა გადაცემა „რეალობაში“ მონაწილეობა მიიეღო. თემა ქვეყანაში შექმნილ კრიმინოგენულ ვითარებას შეეხებოდა. საღარეიშვილმა ამის შესახებ ფეისბუკის საკუთარ გვერდზე დაწერა და ავტომობილით გორისკენ გასვლა დააპირა. სწორედ იმ დროს როდესაც იგი სახლიდან გამოდიოდა, რათა ავტომანქანაში ჩამჯდარიყო, მანქანამ დაარტყა. როგორც საღარეიშვილი „ნიუპოსტთან“ საუბრისას აცხადებს „თვითმხილველებმა დაინახეს ჩემსკენ ჯერ ნელი სვლით როგორ დაიძრა ლურჯი ოპელის მარკის ავტომობილი და ნელ-ნელა სიჩქარეს როგორ მოუმატა, ავტომობილს ქალი მართავდა. ეს ყველაფერი მოხდა გლდანში ,,ა" მიკროში.

გამოვედი სახლიდან და მანქანაში უნდა ჩავმჯდარიყავი, სწორეთ ამ დროს ვისოლის ბენზინ გასამართ სადგურთან შევნიშნე ავტომობილი, რომელიც დაიძრა, ვცდილობდი მოვრიდებოდი და გზაზე გადასვლა არ ვიჩქარე, თუმცა მძღოლმა სისწრაფეს მოუმატა. დამარტყა, მე ძირს დავეცი, ვინაიდან ღამე იყო მანქანის ფერი და მარკა ვერ გავარჩიე, როგორც თვითმხილველებმა მითხრეს გაიქცა ისე, რომ არც კი გაუჩერებია მანქანა. მსუბუქი ტვინის შერყევა მივიღე, მოტეხილი მაქვს ხელი, პოლიცია მოვიდა, თუმცა როგორც მე მითხრეს ოქმიც კი არ შეადგინა“ აცხადებს საღარეიშვილი, რომელიც ფიქრობს, რომ მანქანა მას მიზანიმიმართულად დააჯახეს და იმ მიმოწერასაც გვაწვდის, რომელიც მას პოლიტპატიმარის სტატუსის მქონე გიორგი გაბედავასთან ჰქონდა.

გაბედავამ ნონა საღარეიშვილის საცხოვრებელი ადგილი და საღარეიშვილის იურიდიული კომპანიის ფეიქბუქ გვერდის ლინკი საკუთარ ფეისბუკზე გამოაქვეყნა. ნონა საღარეიშვილის თქმით ის სარჩელის შეტანას აპირებს სასამართლოში.