არასამთავრობო ორგანიზაციის „ყოფილი პოლიტპატიმრები ადამიანის უფლებებისთვის“ თავმჯდომარე, ნანა კაკაბაძე, გუანტანამოს ციხიდან საქართველოში სამი პატიმრის გადმოყვანის ფაქტს ეხმაურება. აღსანიშნავია, რომ სამივე პატიმარი ტერორიზმის ბრალდებით იხდის სასჯელს. „ნიუპოსტთან“ საუბრისას, კაკაბაძემ განაცხადა, რომ მსგავსი ქმედება ყოვლად მიუღებელია :

„ეს არის ენით აღუწერელი პროცესი, რატომ უნდა გადმოიყვანო ის ადამიანები, რომლითაც ამერიკა თავისუფლდება და მათ არ უნდათ, რომ ჰყავდეთ ისინი, ჩვენ მეორადი ქვეყანა ვართ? ეს ძალიან ცუდია, ამაზე ადრეც იყო საუბარი, მაგრამ სააკაშვილმა ეს ვერც გაბედა და არც მომხდარა, დღევანდელი ხელისუფლება კი ამას აკეთებეს. რას ნიშნავს პარტნიორობა? პარტნიორობა იმას ნიშნავს, შენთვის რაც ცუდი და მიუღებელია, საშიშროებას წარმოადგენს შენი ქვეყნისთვის, ადგე და შენს პარტნიორს გადაულოცო?

მაშინ როდესაც, პენიტენციალურ სისტემაში უამრავი პრობლემებია და გამოჩნდა რამხელა დარღვევბია ციხეებში, ფატქობრივად ადმინისტრაცია თავს ვერ ართმევს მართვას. ამ დროს ჩვენ გადმოგვყავს გუანტანამოს ციხიდან ტერორისტები, რა ჭკუას ემსახურება ეს საქციელი? რითი შეიძლება ეს აიხსნას, თუ არა იმით, რომ ჩვენს ქვეყანაში ხელისუფლებას აქვს მონური ფსიქოლოგია და მეტი არაფერი“, - განაცხადა „ნიუპოსტთან“ საუბრისას ნანა კაკაბაძემ.