საქართველოს პრემიერ-მინისტრის ოჯახმა მოსახლეობის საყოველთაო აღწერაში მიიღო მონაწილეობა. დღეს ირაკლი ღარიბაშვილის ოჯახს ინტერვიუერი ეწვია და მთავრობის მეთაურს და მის მეუღლეს, ნუნუკა თამაზაშვილს კითხვარი შეავსებინეს.

აღწერაში მონაწილეობა პრემიერის შვილებმა ანდრიამ და ნიკოლოზმაც მიიღეს.

„დღეს ჩვენთან იყო მოსული აღწერაზე სტატისტიკის სამსახური. პროცესით განსაკუთრებით გახალისდნენ ბავშვები. ანდრია ისე გაერთო, რომ სტუმრებს შეყვარებულის სახელიც კი ჩააწერინა“, - წერს ნუნუკა თამაზაშვილი სოციალურ ქსელში.

საქართველოს სტატისტიკის ეროვნულმა სამსახურმა მოსახლეობის საყოველთაო აღწერა 5-ი ნოემბრიდან დაიწყო და იგი დღეს დასრულდა.