კერძო კოლექციონერების მიერ გამდიდრებული გამოფენა და ცნობილ მხატვართა ის ნახატები, რომელიც ბევრს ნანახიც არა აქვს.

24 ნოემბერს დამთვალიერებელს ეროვნულ მუზეუმში ნამდვილი საოცრება ელის. გალერეაში იმ მხატვართა ტილოები გამოიფინება, რომლებმაც ერთ-ერთი საინტერესო ეტაპი შექმნეს ქართულ მხატვრობაში.

ავთო ვარაზის, ჯიბსონ ხუნდაძის, ედმონდ კალანდაძის, დიმიტრი ერისთავის, ზურაბ ნიჟარაძის, ლევან ცუცქირიძის, თენგიზ მირზაშვილისა და 50-იანი წლების სხვა ცნობილი მხატვრების ნამუშევრები 4 დარბაზში გამოიფინება.