ოზურგეთის მუნიციპალიტეტის სოფელ მთისპირში მდებარე ჰიდროელექტროსადგური "ბახვი-3", მისი საზეიმო გახსნიდან რამდენიმე დღეში მწყობრიდან გამოვიდა და ფუნქციონირებას მომავალი წლის დასაწყისში, აპრილის თვიდან გააგრძელებს.

ჰესი მწყობრიდან წყლის წნევამ გამოიყვანა, რომელმაც თავის მხრივ შიდა წყლის მილები დააზიანა, ამის შესახებ, „ნიუპოსტს“ "ბახვი-3"-ს მომსახურე პერსონალმა განუცხადა. მათი თქმით, ჰესზე ორი დღის წინ დაიწყო სარეაბილიტაციო სამუშაოები, რომელიც მომდევნო წლის დასაწყისში დასრულდება.

"ბახვი -3" საზეიმოდ, ენერგეტიკის მინისტრმა მიმდინარე წელს გახსნა. მისი სიმძლავრე 10 მეგავატია. ჰესზე 30 ადამიანია დასაქმებული.

ამ დროისათვის შეჩერებულია "ბახვი -1", "ბახვი -2" და "ბახვი -4"-ის მშენებლობები და გზის გაყვანა "ბახვი -5"-ის მიმართულებით.

ჰესების პერსონალი სამუშაოების შეჩერებას ინვესტორების არარსებობით ხსნის.

თეა იოსელიანი გურია