რეგიონებში შეშა გაძვირდა. მიუხედავად იმისა, რომ დეფიციტი არსად იგრძნობა, ხალხს შეშის ყიდვა ძვირად უწევს. სექტემბერ-ოქტომბერში 10კბ/მ შეშის ყიდვა 350 ლარად შეიძლებოდა, ამ ეტეპზე შეშა 400 ლარზე ნაკლებად არ იშოვება, ხოლო შეშის მაქსიმალური ღირებულება 700 ლარს აჭარბებს.

ფასის მხრივ რეგიონებში აბსოლუტურად განსხვავებული მდგომარეობაა. შეშა ყველაზე იაფი სამეგრელოსა და გურიაშია. ის გაცილებით ძვირი ღირს იმერეთსა და აღმოსავლეთ საქართველოში. ტყიბულელებს თითო მანქანა შეშაში 500 ლარის გადახდა უწევთ, ხოლო ქვემო ქართლში მისი ღირებულება 700 ლარსაც აღწევს.

მიუხედავად იმისა, რომ შეშა ოფიციალურად არ გაძვირებულა და ლიმიტით შეძენილი საშეშე მასალა რეალურად გაცილებით იაფია, მოსახლეობას მის შეძენას გადამყიდველებთან ცდილობს.ისინი აცხადებენ , რომ ტრანსპორტირების პრობლემა აქვთ, რასაც საწვავის ფასი და მძიმე სამუშაო პირობებიც ემატება. დამოუკიდებლად ამ შრომის გაწევას ხალხი თავს არიდებს.

წყარო "რეზონანსი"