„ღმერთმა დაგლოცოს გიორგი“, - ასე მიმართავს „ნიჭიერის“ კონკურსანტს გევორქ პეტროსიანს თავისივე მოძღვარი თომა ცეცხლაძე. გიორგი, მართლმადიდებლურად მონათლული გევორქის ნათლობის სახელია. როგორც კონკურსანტმა აღნიშნა ის ნათლობამდე იეჰოვას მოწმე იყო. მოძღვარის კომენტარიდან კი ირკვევა რომ გევორქი ხუცესი უნდა გამხდარიყო.

თომა ცეცხლაძე, მოძღვარი: „ღმერთმა დაგლოცოს გიორგი, იგი 10 წელი იმ ორგანიზაციის წევრი იყო, რომელსაც ამჟამად იეჰოვას მოწმეები ქვია, გიორგი ე. წ. ხუცესი უნდა გამხდარიყო, მაგრამ მან დაინახა რა ამ სატანისტური ორგანიზაციის ნამდვილი სახე დატოვა ეშმაკის მსახურთა ბრუკლინიდან მართული ორგანიზაცია და დღეს მართმადიდებელია, ქრისტეს სისხლსა და ხორცს ზიარებული.

იგი ქრისტიანია და მის მიმართ გაჟღერებული ბრალდებები ტყუილია, ის არც განდგომილია ქრისტესაგან და არც განყენებული. პირიქით იგი ქრისტეს სწავლების ჭეშმარიტი დამცველია. მე როგორც მისი მოძღვარი ვლოცავ მას და ყოველივე საუკეთესოს ვუსურვებ. ღმერთმა დაგლოცოს გიორგი“...