„ქალთა მოძრაობა“ ქალებზე ძალადობის წინააღმდეგ დღეიდან ყველა იმ ადამიანს გააერთიანებს, რომელიც ბოლო დროს მომხდარი ქალების მკვლელობით შეშფოთებას გამოხატავს. მოძრაობა პირველ აქციას 25 ნოემბერს თბილისში პარლამენტთან გამართავს.

„ამ აქციით ჩვენ მივმართავთ სახელმწიფოს, რომ თითოეულმა ჩვენგანმა ამ პრობლემის მოსაგვარებლად ვიბრძოლოთ“, - ამბობს აქციის ერთ-ერთი ორგანიზატორი ბაია პატარაია.

„ქალზე ძალადობა დაუშვებელია - შეაჩერე“ - ამ სახელწოდებით აქციების საქართველოს კიდევ 20 ქალაქში გაიმართება.

როგორც ორგანიზატორები ამბობენ, ქალთა მიმართ ძალადობას ერთდროულად გააპროტესტებენ თბილისში, ქუთაისში, ბათუმში, თელავში, ზუგდიდში, ოზურგეთში, რუსთავში, ახალციხეში, ნინოწმინდაში, დუშეთში, გურჯაანში, ახალქალაქში, მარნეულში, გარდაბანში, დმანისში, წყალტუბოში გორში, ბოლნისსა და ქობულეთში.