სამტრედიის რაიონის სოფელ ნინუაკუთხეში 4 წლის ლიზი შენგელიას დედის ინფორმაციით, ბრალდებულმა მცირეწლოვანი საკუთარ სახლში გაგუდა. მისი თქმით, ბრალდებული ქალბატონი შემთხვევის შემდეგ მათთან ხშირად მიდიოდა.

„რაც ბავშვი დაახრჩო, ამის შემდეგ ხშირად მოდიოდა. შვილი ჰყავდა გარდაცვლილი და ხშირად მივდიოდით მასთან და ვეხმარებოდით. ამბობდა, ჩემი შვილის ორმოცამდე ვიღაც უნდა გავამწაროვო. ვეუბნეოდი, რომ ბავშვი გყავს გარდაცვლილი და მსგავს რამეებს ნუ ამბობ მეთქი. თურმე ჩემი ბავშვზე ამბობდა“, - განაცხადა მცირეწლოვანის დედამ.

სოფელ ნინუაკუთხეში მცირეწლოვანი ბავშვის მკვლელობაში ბრალდებული ქალბატონი ოჯახის ახლობელია. როგოც ცნობილია ბავშვის მამიდას საკუთარი შვილი რამდენიმე თვის წინ გარდაეცვალა. არსებული ინფორმაციით, ქალბატონი ფსიქიკურად გაუწონასწორებელი იყო.