რა იცოდა მაკა ჩიჩუამ და რატომ ადარებენ ალასანიას ლოკოკინას

საზოგადოება - 12:37, 17 Nov, 2014

8068

მსახიობი ბერტა ხაფავა „ასავალ-დასავალთან“ ინტერვიუში აცხადებს, რომ 15 ნოემბერს ნაციონალურმა მოძრაობამ ხალხი მოატყუა, საქართველოს ანექსიის საწინაარმდეგო აქციაზე მიიყვანა და სააკაშვილი დაახვედრა

„ერთხელ მეც შევცდი, იმ ჯაჭვსი ჩავები, სააკაშვილმა ხალხს რომ მოუწოდა -მაგრამ გადაწყვეტილება მივიღე არა სააკაშვილის მოწოდების შემდეგ არამედ პატრიარქის. ასეთივე შეცდომა დაუშვა იმ ხალხმაც, რომელიც 15 ნოემბერს აქციაზე მივიდა.“

ბერტა ხაფავას აზრით საქართველოს დროშა უნდა შეიცვალოს „ბოკერიას , თარგამაძის და ბაქრაძის ყურება აღარავის უნდა, აღარც მათი დროშის ფრიალი. ვერ გამიგია პარტიის დროშა რატომ უნდა იყოს საქართველოს დროშა?! რეფერენდუმი უნდა ჩატარდეს ამ საკითხზე, არ გვინდა სააკაშვილის დროშა!“

ბერტა ხაფავა იმ თანამდებობის პირებზეც საუბრობს, რომლებიც მისი აზრით დაკავებული პოსტისთვის შეუფერებელნი იყვნენ და არიან.

„ძალიან მომწონს ირაკლი ალასანიას გადაყენება. არასოდეს ვყოფილვარ მისით აღფრთოვანებული, ყოველთვის სადღაც მიძვრებოდა, ლოკოკინასავით იყო, მორგებული ჰქონდა ნიჟარა, როცა უნდოდა თავს შეჰყოფდა, როცა უნდოდა გამოჰყოფდა.

თანამდებობისთვის შეუფერებელია გიორგი მარგველაშვილიც, ივანიშვილს რომ არ დაესვა, არავინ იცოდა, ვინ იყო - იცოდა მხოლოდ მაკა ჩიჩუამ და დავით აქუბარდიამ, მაგის გადაცემაში რომ წამოწვებოდა ხოლმე...“ - აცხადებს ბერტა ხაფავა.

წყარო „ასავალ-დასავალი“