რატომ უგროვებენ მამა ილია ვაშაკიძეს ფულს „ფეისბუქელი“ მეგობრები

საზოგადოება - 21:54, 16 Nov, 2014

2332

რამდენიმე წუთია რაც სოციალურ ქსელში ილია ვაშაკიძის „ფეისბუქელი“ მეგობრები ბერმონაზონის დახმარების სურვილმა გააერთიანა. მათ ფულის შეგროვება და ბერის მიერ ფეისბუქზე“ განთავსებული სტატუსის შემდეგ გადაწყვიტეს.
„18 ნოემბერს ელექტროენერგია გამეთიშება. აღარ მექნება ინტერნეტი. ჩემი ოპონენტებიც დაისვენებთ და საპატრიარქოს ფუნქციონერებიც. ეხლა ვლოცულობ, მაგარი სიცივეები არ იყოს. მომიხსენიეთ ლოცვებში“- წერს ილი ვაშაკიძე ფეისბუქის საკუთარ გვერდზე და თან დასძენს.
„არ ქრისტეში საყვარელნო, მე აქ საიტზე ჩემს ოპონენტებს გაზულუქებული, წუწუნა და ჯიპიანი მღვდელი ვგონივარ, რომელსაც საქმე არა მაქვს. მეც ადამიანი ვარ და მინიმალური ყოფითი პრობლემები მაწუხებს. თქვენ რა შუაში ხართ, ამაზე საპატრიარქომ უნდა იფიქროს. მე მზად ვარ ვიყო პირველი საპატრიარქოსაგან უყურადღებობით გაყინული მღვდელი, ოღონდ ჩემი სიკვდილის შემდეგ სხვა ჩემს თანამოძმე ინვალიდ ბერებსა და მღვდლებს მომავალში მაინც მიაქციოს ყურადღება. ღმერთმა ყველას უშველოს. მომიხსენიეთ ლოცვებში“.
ამ სიტყვებით აღშფოთებულმა „ფეისბუქმრევლმა“ გამოსავალი მალევე იპოვა, რამდენიმე წუთში დახმარების სურვილი უამრავმა ადამიანმა გამოთქვა. რასაც ბერმონაზონის შემდეგი კომენტარი მოჰყვა.
აღარაა საჭირო, ქრისტეში საყვარელნო. უკვე გამომეხმაურა ხალხი პირადში. ღმერთმა ყველას შეუწიროს დახმარება არა მარტო ჩემი, არამედ ყველასი. ერთი რამე ვითხოვე და ასი კაცი რომ დამეხმაროს უსინდისობა იქნება ჩემი მხრიდან...

მე დედა ეკლესიის შვილი ვარ. 25 წელიწადია სასულიერო პირი ვარ. ევქარისტიულ კავშირში ვარ დედა ეკლესიასთან. საპატრიარქოსგან არაფერი არ მინდა ვიდრე იქ ჟოზეფინები და ფინანსური კორუფციონერები არიან. მათხოვრობა ცოდვა არაა. კგბ-ს აგენტობა და ბიუჯეტის ხარჯზე გაზულუქება კი სამშობლოსა და ქრისტიანობის ღალატია. დედა ეკლესია ქრისტეს ცოცხალი სხეულია, საპატრიარქო კი კორუმპირებული ორგანიზაცია. გაიხარეთ. დედა ეკლესიის მსახურებაში უნდა იყოს საპატრიარქო და არა საპატრიარქოს მსახურებაში დედა ეკლესია. თქვენ კი ყველა, ქრისტეში საყვარელნო, ისეთივე დედა ეკლესიის წევრნი ხართ, როგორც წმინდა სინოდის ნებისმიერი წევრი. დედა ეკლესიის ერთგული ყოველი სული დედა ეკლესიაა. დაე, მომავალში ქრისტე დაგვენახოს ერთმანეთში აქ და მარადის და უკუნითი უკუნისამდე. ამინ“!