აჭარაში შავი ზღვის სანაპირო ზოლის გამაგრება მიმდინარეობს

საზოგადოება - 16:16, 16 Nov, 2014

2006

საქართელოს რეგიონული განვითარებისა და ინფრასტრუქტურის სამინისტრო ადლიის სანაპირო ზოლის გამაგრებას ახორციელებს. მიმდინარე სამუშაოები დღეს, რეგიონული განვითარებისა და ინფრასტრუქტურის მინისტრმა, დავით შავლიაშვილმა და აჭარის მთავრობის თავმჯდომარემ არჩილ ხაბაძემ მოინახულეს.

პროექტის მიხედვით, ადლიაში 1 კმ-მდე სიგრძის სანაპირო ზოლის გამაგრება მიმდინარეობს, შენდება ქვანაყარი ბერმა, რომელიც შტორმისაგან ნაგებობის გამორეცხვას შეაჩერებს. მიმდინარე სამუშაოები, სანაპიროს შენარჩუნებას და მგზავრთა უსაფრთხოდ ტრანსპირტირებას უზრუნველყოფს. სამუშაოებზე 100-მდე ადამიანია დასაქმებული, რომელთა უმრავლესობა ადგილობრივი მცხოვრებია.

აჭარის სანაპირო ზოლის ადლიის მონაკვეთი 2013-2014 წლების სეზონური შტორმების დროს მნიშვნელოვნად დაზარალდა და დაზიანდა ნაპირის გასწვრივ მდებარე ინფრასტრუქტურა - სასეირნო ბილიკის სავალი ნაწილი, დაინგრა ბეტონის საყრდენი კედელი. ამასთან, საფრთხე შეექმნა საავტომობილო გზას, რომელზეც, დღე-ღამეში, საშუალოდ, 6000-მდე მანქანა მოძრაობს. ადლიის სანაპირო ზოლის გამაგრება სახელმწიფო ბიუჯეტიდან ფინანსდება. მისი ღირებულება 5 მილიონ ლარს შეადგენს და პროექტის დასრულება წლის ბოლოსთვის იგეგმება.