ქართული ჟესტური ენა მათთვის ვისაც სურს ურთიერთობა დაამყაროს სმენადაქვეითებულ ადამიანებთან

საზოგადოება - 20:11, 15 Nov, 2014

20628

ჟესტურ ენაში დაფიქსირებულია ის ჟესტები, რომლის გამოყენებითაც საუბრობენ სმენადაქვეითებული ან ყრუ ადამიანები. ამ შემთხვევაში ჟესტები წარმოადგენენ სიტყვათა ექვივალენტებს (სიტყვათა შეთანხმებას, ცნებებს). მსოფლიო მასშტაბით ჟესტური ენის მრავალი ვარიანტი არსებობს და გამოიყენება. დასავლეთის ქვეყნებში მრავალი სმენის მქონე ადამიანი ფლობს ჟესტურ ენას, რათა ურთიერთობა დაამყაროს სმენადაქვეითებულ და ყრუ ადამიანებთან.

ალი

ალი ცეცხლის მნათი ნაწილი‚ რომელიც ცეცხლმოდებული საგნის თავზე ჩანს‚ ცეცხლის ენა

ორხელიანი, სიმეტრიული, მრავალფაზიანი ჟესტი, ნეკი და ცერი თითების წვრები ერთმანეთს ეხება, ხელისგულები ერთმანეთისკენაა მიმართული, სხეულის პარალელურად სრულდება მრავალჯერადი ჰორიზონატალური მოძრაობები. ჟესტი წარმოდგენილია მკერდის დონეზე.

ათი

ათი რიცხვი 10

ორხელიანი, სიმეტრიული, სტატიკური ჟესტი, ერთმანეთისკენ მიმართულია ხელისგულები, თითების წვერები ერთმანეთს ეხება; ჟესტი სრულდება მხრების დონეზე.

აზრი

აზრი ფიქრისა და მსჯელობის პროდუქტი

ერთხელიანი, სტატიკური ჟესტი, ხელისგული მიმართულია მარცხნივ, თითები ერთად მოხრილია ზედა ფალანგებში და ცერი ეხება საჩვენებელი თითის წვერს, ხელი თითების წვრებით ეხება საფეთქელს, ჟესტი სრულდება სახის დონეზე.

ვრცლად იხილეთ gesl.iliauni.edu.ge