ჯერ კიდევ კვირის დასაწყისში ქეცბაიამ აღნიშნა, რომ ის თანამდებობას დატოვებდა თუკი გუნდი დამარცხდებოდა, მათ შორის გუნდის გამარჯვების შემთხვევაშიც არ აპირებდა პოსტზე დარჩენას.
"სამწუხაროა, რომ ასე დამთავრდა ჩემი მოღვაწეობა საქართველოს ნაკრებში. მომავალში ვუსურვებ წარმატებას და მე, როგორც რიგითი ქართველი, მუდამ საქართველოს ნაკრების გულშემატკივარი ვიქნები," - აღნიშნა ქეცბაიამ.
ფეხბურთელმა ჯაბა კანკავამ ცემურ ქეცბაიას მთელი გუნდის სახელით მადლობა გადაუხადა და წარმატება უსურვა. მისი თქმით, საქართველოს ნაკრებს დღევანდელ თამაშში დამარცხება, მით უმეტეს ასეთი ანგარიშით, არ ეკუთვნოდა. საქართველოს ნაკრები პოლონეთთან ანგარიშით 0:4 დამარცხდა.
თემურ ქეცბაია საქართველოს ეროვნულ ნაკრებს 2009 წლიდან ხელმძღვანელობდა. ჯერ-ჯერობით უცნობია, ვინ იქნება მისი შემცვლელი.
მასალის გამოყენების პირობები






