საქართველოს ნაკრების და რუმინული „კლუჟის“ შემტევმა, გიორგი ჭანტურიამ პოლონეთთან გასამართ შეხვედრაზე და ბოლო დღეებში განვითარებულ საკითხებთან დაკავშირებით GOAL.GE-სთან ისაუბრა.

ჭანტურიას აზრით ნაკრების წარუმატებლობა მხოლოდ თემურ ქეცბაიას არ უკავშირდება და ეს ყველას თანაბრად ეხება, ხოლო წარუმატებლობის მიზეზები კი ყველამ საკუთარ თავში უნდა ეძებოს.

„ბევრი ადამიანი ფიქრობს, ქეცბაიას წასვლით ქართულ ფეხბურთს ეშველება, მაგრამ ეს, რა თქმა უნდა, სისულელეა. მთავარ მწვრთნელსაც დიდი წვლილი მიუძღვის ამ წარუმატებლობაში, მაგრამ ჯობია ყველამ ჩვენს თავში ვეძიოთ მიზეზები“-განაცხადა ჭანტურიამ.

ჭანტურია მიიჩნევს, რომ პოლონეთის დამარცხება ერთად დგომით და შემტევი ფეხბურთის თამაშით სრულიად შესაძლებელია.