გულახდილი ამალია პირად ცხოვრებაზე „ნანუკას შოუში“

საზოგადოება - 00:57, 13 Nov, 2014

5212

„ასე მგონია, რომ ახლიდან ვიწყებ ცხოვრებას“ - განაცხადა „ნანუკას შოუში“ სტუმრად მყოფმა ამალია ჯიბლაძემ. თუმცა ისიც დაამატა „ნევროზი მაქვს ამ ყველაფრის გამო, ვერ ვუძლებო“...

ქალი, რომელიც „ნიჭიერმა“ ძალიან პოპულარული გახადა და საზოგადოებამ მალევე ბევრი „ბრალდება“ წაუყენა ნანუკას შოუში პირადი ცხოვრების რამდენიმე დეტალზე გულახდილად ალაპარაკდა.

როგორც „ნანუკას შოუდან“ ირკვევა დედაზე განაწყენებულმა ამალიამ თბილისი 16 -17 წლის ასაკში დატოვა. „ კამათი ხშირად დედასთან მომდიოდა, ვერ ვუგებდით ერთმანეთს. დედაჩემს არ სჯეროდა ჩემი. ის სხვებს უფრო უჯერებდა ვიდრე მე. მეზობლების სჯეროდა - ამბობს ამალია. - ჩვენს შორის კონფლიქტები მამის გარდაცვალების შემდეგ უფრო გამწვავდა... მინდოდა სხვა ქვეყანაში გაქცევა და დამალვა. ოჯახური პრობლემა ძალიან რთული იყო“...

გაიქცა კიდეც ასტრახანში და იქ მალევე ნახა ადამიანი, რომელსაც თავისი ბედი დაუკავშირა. „17 წლის გავთხოვდი. გაგვიჩნდა გოგო, გულის მანკით... ძალიან მშვენიერი გოგონა გაიზარდა, მე ძალიან ვამაყობ მისით...რუსეთში მესუმზირას ვყიდდი, დარაჯად ვმუშაობდი ბაღში. გიტარაზე ვუკრავდი. გიტარაზე დაკვრა მამაჩემის დამსახურებაა. მამამ მიმიყვანა წრეზე. გიტარა ძალიან დამეხმარა სამომავლოდ სიმღერების წერაში. როცა რუსეთში ვიყავი, მამაჩემის ბინა, რომელიც მე უნდა დამრჩენოდა გამიყიდეს და ბინის გარეშე დამტოვეს. “

თბილისს 20 წლის განშორების შემდეგ დაუბრუნდა. რაც შეეხება სიმღერას ამალიას თქმით ის სკოლის გუნდში მღეროდა. ასტრახანში კი კვარტეტში, რომელიც სწავლის პერიოდში თავადვე შექმნა. .