რეკლამის განთავსების ახალი რეგულაციები - შეზღუდვები ტელევიზიებისთვის

საზოგადოება - 00:09, 13 Nov, 2014

1645

შეხვედრა გაიმართა დღეს მარეგულირებელ კომისიაში, სადაც მედიასაშუალებების ხელმძღვანელებმა საკუთარი შენიშვნები გამოთქვეს. შეხვედრის მონაწილეების განცხადებით, კანონის არსებული სახით მიღების შემთხვევაში, საფრთხე ტელევიზიების ფინანსურ დამოუკიდებლობას ემუქრება. მედია ცვლილებებზე საფუძვლიანად მსჯელობას და მათი შენიშვნების გავთალისწინებას ითხოვას.

ცვლილება რეკლამის განთავსების ახალ რეგულაციებს გულისხმობს, რაც ტელეკომპანიების ხელმძღვანელების პროტესტს იწვევს.

,,ვფიქრობთ, რომ შეიძლება ამ კანონმა ძალიან მძიმე შედეგები გამოიწვიოს, თუ ის კანონი გახდა, ცხადია, და ვერ დააბალანსებს ამ კანონით განსაზღვრული სიკეთეები იმ რისკებს, რომელიც შეიძლება მოიტანოს, ამიტომ მიგვაჩნია, რომ ამ კანონის მიღება ამ ფორმით და ასე მოუმზადებლად დროში არ შეიძლება“, - აცხადებს გვარამია.

,,ის პროექტი, რომელიც წარმოგვიდგინეს, ჩემი აზრით, ან არის გაუაზრებელი ან გააზრებული ცუდი მიზნებისთვის. მე ვთვლი, რომ ეს პროექტი დაარტყავს ტელევიზიების ფინანსურ დამოუკიდებლობას“, - მიაჩნია ნინო ჯანგირაშვილს.

,,შეიძლება იყოს გარკვეული შიშები, მაგრამ გარწმუნებთ, ეს იქნება სამუშაო პროცესი და ამ პროცესის განმავლობაში მივიღებთ ალბათ როგორც შენივნას, ასევე საქმიან მოსაზრებას, რომელსაც აუცილებლად გავითვალისწინებთ“, - აცხადებს მარეგულირებელი კომისიის თავმჯდომარე ვახტანგ აბაშიძე.