რუსთავში მომხდარ უბედურ შემთხვევაზე და სასწრაფოს დაგვიანებასთან დაკავშირებულ ბრალდებებზე სასწრაფო სამედიცინო დახმარების ცენტრში კომენტარი გააკეთეს :

სასწრაფო სამედიცინო დახმარების ცენტრის დირექტორის თეიმურაზ ხარაშვილის განცხადებით, გამოძახება დაფიქსირდა 9:42 საათზე, ბრიგადა გავიდა გამოძახებაზე 9:45-ზე ხოლო 9:51 -ზე უკვე ადგილზე იყო. ხარაშვილის განცხადებით ქალაქის პირობებში ამედიცინო დახმარების ბრიგადის გამოძახების ადგილზე 9 წუთში მისვლა სავსებით ნორმალურია.

შეგახსენებთ, რუსთავში ბუნებრივი აირის გაჟონვის შედეგად ოჯახის ოთხი წევრი გარდაიცვალა. როგორც ოჯახის მეზობლები ჰყვებიან, შესაძლოა ერთ-ერთი გარდაცვლილი ბავშვის გადარჩენა მოხერხებულიყო. მათი თქმით, მას შემდეგ რაც გარდაცვლილები იპოვეს ერთ-ერთი ბავშვი ცოცხალი იყო, თუმცა სასწრაფო დახმარების ბრიგადამ დაიგვიანა, რის გამოც მისი გადარჩენაც ვერ მოხერხდა.