პირველ არხზე გადაცემა „არენაში“ საქართველოს ნაკრების მთავარი მწვრთნელის, თემურ ქეცბაიას სტუმრობას დიდი გამოხმაურება მოჰყვა. ამ საკითხზე გაზეთ „ლელოსთან“ გადაცემის წამყვანმა დავით მინაშვილმა ისაუბრა.

„ეს არ იყო პირველი შემთხვევა, როცა თემურ ქეცბაიამ აგრესია გამოავლინა ჟურნალისტების მიმართ. აქ არ იყო აგრესია მხოლოდ ჩემ მიმართ. ეს ყველა ქართველ სპორტულ ჟურნალისტს ეხება“-ამბობს დავით მინაშვილი.

მინაშვილის თქმით თემურ ქეცბაია ინტერაქტივის შინაარსმა გააღიზიანა, მაგრამ ინტერაქტივის ეს ფორმა მიღებული პრაქტიკაა და აქ არაეთიკური არაფერი ყოფილა.

მინაშვილი მიიჩნევს, რომ ქეცბაიას უკვე მიღებული აქვს საქართველოს ნაკრების მწვრთნელის პოსტის დატოვება და სურს, ეს რაც შეიძლება ხმაურიანად გააკეთოს.