რუსთავში ბუნებრივი აირის გაჟონვის შედეგად მომხდარ ტრაგედიასთან დაკავშირებით ახალი დეტალები ხდება ცნობილი. როგორც ოჯახის მეზობლები ჰყვებიან, შესაძლოა ერთ-ერთი გარდაცვლილი ბავშვის გადარჩენა მოხერხებულიყო. მათი თქმით, მას შემდეგ რაც გარდაცვლილები იპოვეს ერთ-ერთი ბავშვი ცოცხალი იყო, თუმცა სასრწაფო დახმარების ბრიგადამ დაიგვიანა, რის გამოც მისი გადარჩენაც ვერ მოხერხდა.

„ბინა ჰქონდათ მეორე სართულზე საკუთარი, თუმცა დააგირავეს და შემდეგ ამ ფულით იყიდეს საცხოვრებელი, სადაც ეს შემთხვევა მოხდა. არ ვიცი როგორ დაემართათ ეს ამბავი. ისე არ ციოდა, რომ მთელი ღამე ჩართული ყოფილიყო გამათბობელი. მშობლებმა ნახეს გარდაცვლილი ოჯახი. გოგონას მამამ კარი შემატვრია. სამი მათგანი უკვე გარდაცვლილი იყო, ერთ-ერთი ბავშვი ცოცხალი იყო, თუმცა სასწრაფომ დაიგვიანა. სანამ ისინი მოვიდნენ ისიც გარდაიცვალა“, - აცხადებენ გარდაცვლილის მეზობლები“, - აცხადებენ მეზობლები.

რუსთავში ბუნებრივი აირის გაჟონვის შედეგად ოჯახის ოთხი წევრი გარდაიცვალა.