,,კალაძე თავად დატოვებს პოლიტიკურ არენას მომავალში“, - აცხადებს „ქრონიკა +“-სთან საუბრისას ქართველი წინასწარმეტყველი, ლელა კაკულია და დასძენს, რომ „მინისტრებს მინისტრობა აღარ სურთ“:

„იცით რა, კალაძეც ვერ შეინარჩუნებს პოსტს, ეს ბიჭი არის სპორტსმენი, დიდი პოლიტიკური ნიჭი მას არ გააჩნია და ეს მინისტრობა მას ტვირთად ადევს. ვფიქრობ, რომ დაჭერით მას არ იჭერენ არც ერთ შემთხვევაში, რატომ უნდა დაიჭირონ? არც ჰქონია სურვილი, რაღაც გაეკეთებინა, რაღაც ისეთი, რომ ამისთვის საბაბი მიეცა, თავად დატოვებს პოლიტიკურ არენას მომავალში. კიდევ გიმეორებთ, ისეთი ცვლილებები იქნება პოლიტიკაში, რომ გვერდზე დადგება, აღარ ექნება სურვილი გააგრძელოს. მე ადრე ვიწინასწარმეტყველე, რომ მოვა დრო, როცა მინისტრებს მინისტრობა არ ენდომებათ.

ეს დრო მოვიდა. ათასი პროექტია გასაკეთებელი, ათასი საქმე და ხელს არ აწერენ, არავის არ უნდა პასუხისმგებლობის აღება თავის თავზე, ყველას ეშინია, წარსული ისეთი აქვთ. უნდა მოვიდეს ის ხალხი, ვინც მართლა იცის თავისი საქმე“, - აცხადებს „ქრონიკა +“-სთან საუბრისას ლელა კაკულია.