ირაკლი ალასანიას მეუღლე ნათია ფანჯიკიძე მამის შემოქმედებას იხსენებს და „ფეისბუქის“ გვერდზე ერთ ეპიზოდს აქვეყნებს წიგნიდან „ეშმაკის ბორბალი“. ეს ეპიზოდი დიდი კაცის „მავნე“ ჩვევასა და მის გამმწვევ მიზეზზე მოგვითხრობს.

ნათია ფანჯიკიძე: „მამაჩემის წიგნი "ეშმაკის ბორბალი" ლიტერატურის გურმანებისთვის არაა. ეს არის წიგნი ყველასთვის, მიზნით - რაც შეიძლება მეტმა ადამიანმა მოახერხოს პრობლემების აღქმა.

მიყვარს საყველაო ლიტერატურა და კინო, თუ ის სწორ ამბებს ყვება, მათი მისია მეტია ხოლმე...

არის იქ ეპიზოდი, - "დიდი კაცის" მოსაცდელში ერთი კაცი სანამ იცდის, ხედავს, შემოდიან ადამიანები და მათი დიდი ნაწილი, კუჭზე იდებს ხელს, მჟავე სახეს იღებს, წელში იხრება და ურნაში აფურთხებს.... ბოლოსდაბოლოს "დიდ კაცთან" რომ შეაღწევს, საუბრისას ეს "დიდი კაციც" იგივეს აკეთებს. კაცს უკვირს, მაგრამ კითხვას არ სვამს, მხოლოდ მოგვიანებით იგებს, რომ "დიდ კაცს" კუჭის წყლული აქვს და ამიტომ ეფურთხინება.

დიდად, ძალიან დიდად სასურველია, რომ მას, ვისაც მაგალითის ძალაუფლება აქვს, არ ჰქონდეს კუჭის წყლული“.