ქართველი წინასწარმეტყველი ლელა კაკულია ირაკლი ალასანიასთან დაკავშირებით აცხადებს, რომ თავდაცვის ყოფილმა მინისტრმა უკან დასახევი ყოველგვარი გზა მოიჭრა, ამის გამოსწორება კი ძალიან რთული იქნება. ალასანიაზე კომენტარს კაკულია „ქრონიკა +“-სთან საუბრისას აკეთებს:

„ჩემთვის ალასანია უკვე წარსულია. მე ვთქვი და მორჩა. დაამთავრა მან თავისი კარიერა და პირადად ახლა მისი ბედისწერის ზოლზე რა აისახება მომავალში, ეს ცალკე საკითხია.

ჯერ ახალგაზრდა ბიჭია. ისე, საინტერესო პიროვნებაა, მაგრამ არა იმდენად, რომ მე მას ახლა ლიდერი ვუწოდო. მისი სახით ლიდერი მოევლინოს საქართველოს, ეს გამორიცხულია! აქვს ძალიან ბევრი სუსტი მხარე, ამიტომ ეს თავისი სისუსტე ხასიათში უშლის ხელს და ეს პოლიტიკოსს არ უნდა ჰქონდეს.

იმდენად მოჭრა ირაკლიმ ყველა ხიდი, ეს რომ აღადგინოს პოლიტიკასთან, ძალიან რთულია. იმიტომ რომ ისინი, ვინც დარჩნენ, ამის საშუალებას ნამდვილად არ მისცემენ. ირაკლის მე ვიცნობ, დადებითი პიროვნებაა ურთიერთობებში, მაგრამ ბევრი სისუსტე, რაც მე აღვნიშნე, და კიდევ ბევრს არ ვამბობ, ძალიან შეუშლის ხელს“, - აცხადებს „ქრონიკა +“-სთან საუბრისას ლელა კაკულია.