11 ნოემბერს, ნოდარ დუმბაძის სახელობის მოზარდმაყურებელთა სახელმწიფო პროფესიული თეატრი 86 წლის ხდება.

თეატრი საკუთარ დაბადების დღეს ქალაქ თელავში აღნიშნავს. საქართველოს უძველეს თეატრალურ სივრცეში. ვაჟა-ფშაველას სახელობის სახელმწიფო აკადემიურ თეატრში, 19 საათზე, მოზარდმაყურებელთა თეატრი წარმოადგენს ბოლო პრემიერას „ ჩვენ გველის დიდება“, რეჟისორი მანანა ბერიკაშვილი.

სპექტაკლის ბოლოს , წარმოშობით თელაველ , ცნობილ ქართველ რომანისტსა და კინოსცენარისტს ქალბატონ ზაირა არსენიშვილს, კულტურის მინისტრის მოადგილე მანანა ბერიკაშვილი გადასცემს ხელოვნების ქურუმის ჯილდოს, ქართულ კულტურაში შეტანილი განსაკუთრებული წვლილისთვის.

ზაირა არსენიშვილი არის ყველა იმ ფილმის სცენარის ავტორი, რომლის რეჟისორიც ლანაღოღობერიძეა. მის ფილმოგრაფიაში შედის: "ბედნიერება", "ვალსი პეჩორაზე", "ორომტრიალი", "ბებია ყველასათვის", "დღეს ღამე უთენებია", "კაცია ადამიანი", "რამდენიმეინტერვიუ პირად საკითხებზე", "აურზაური სალხინეთში" და "როცა აყვავდა ნუში".

მოზარდმაყურებელთა თეატრი 1928 წელს ალექსანდრე თაყაიშვილმა დაარსა. თავდაპირველად სპექტაკლები იმართებოდა სარდაფში, ხოლო შემდგომ თეატრმა ბინა რუსთაველის გამზირზე კაზარიანცის სახლის ისტორიული ნაგებობის პირველ სართულზე დაიდო.

პირველ წარმოდგენად უჩვენეს ნ.საცის „ფრიც ბაუერი’’ , ალ.თაყაიშვილის რეჟისურით.